Welcome, Guest: Register On Nairaland / LOGIN! / Trending / Recent / NewStats: 3,196,089 members, 7,960,463 topics. Date: Friday, 27 September 2024 at 09:13 PM |
Nairaland Forum / Entertainment / Literature / Naija Love Rhymes For Valentine (62659 Views)
Must Read: Naija Love Part 1 (one) / Re: Naija Love Rhymes For Valentine / A Space For Peoms, Hot Rhymes, Quotes And General Sayings (2) (3) (4)
(1) (2) (3) ... (22) (23) (24) (25) (26) (27) (28) ... (40) (Reply) (Go Down)
Re: Naija Love Rhymes For Valentine by RuuDie(m): 6:08pm On Nov 10, 2009 |
e no fair, dis my heart don stiff for u like chair, but u no jus even care, i dey ontop bed u dey fix ur hair, na so u go pursue me from here!? 28 days offshore me & u no near, d way i miss u i no fit bear, u go tell me sey i dey dear, yet drive me to go drink beer, and blame me wen i meet ashi for there, to lose ur love before i been dey fear, now u don kuku vex me pass to dare, if i look back make thunder strike me i swear, i dey go remain for my land of no where! |
Re: Naija Love Rhymes For Valentine by semid4lyfe(m): 11:53pm On Nov 11, 2009 |
Ruudie, e don do - these ur love rhymes go kill person But shey all this while, you neva learn your lesson? No be by word of mouth but by the size of ur pocket Cos if u no hold, babes go just dey play u like puppet Abi, u neva hear se money dey make the world go round Look around you and u'll see many examples abound Moreover, we dey for period of economic recession So u gats have a fat bank account to get a +ve reaction Therefore take my advice, get to work and make the kish Because na em be the bait wey man dey take catch fish. |
Re: Naija Love Rhymes For Valentine by semid(m): 7:19pm On Nov 13, 2009 |
Right now, me no get time for sissy opata love yarn As I dey vex gan cos seun don issue me ban I know se the ban na the handy work of my detractor Cos e be like se na one lily livered chicken report me to moderator And truly,if I catch the person I go crush am with tractor. |
Re: Naija Love Rhymes For Valentine by AyubaAbu: 8:01pm On Nov 13, 2009 |
na hmmmmmm ooooooooooooooo, my pady, but u sure say na u only u that thing dey wory |
Re: Naija Love Rhymes For Valentine by adebayo201: 1:44pm On Nov 14, 2009 |
exactly dat day dey issue me spam, i dont know wqewtin i do the pam, na vex make me won 4get diz place, until i remember say, i fit make my ways, semid take heart, wey u wan cum start from on this planet earth, hmmmmmmmmmmmmmm, i don know what to say, |
Re: Naija Love Rhymes For Valentine by efepro(m): 11:17am On Nov 18, 2009 |
@semid.no mind dem,na so dem go dey act like savages wey live 4 d past.Dem go dey issue BAN as if na gate pass.D thing dey vex me,i no know weda make i dey call dem mr. BANnabas.All dis bad belle 4 NL,na dem evn worst pass.No worry semid,make u tek heart,we go look for means to deal wit their ass. |
Re: Naija Love Rhymes For Valentine by semid4lyfe(m): 8:56am On Nov 19, 2009 |
Èfepro, welldone - U try cos e no easy See as your rhymes flow like lil' wizzy's BTW, thanks for the words of consolation But please, no yabbing or words of condemnation As Seun don restore my posting privileges So I no gree with u say im dey behave like dem savages For him lifting my ban, I remain eternally grateful And from now on, I go dey act nice and cool Cos I don see se it ain't cool to act the fool |
Re: Naija Love Rhymes For Valentine by RuuDie(m): 12:31pm On Nov 19, 2009 |
i don do all i fit, many many night i no sleep, today, tomorrow, i dey fight, turn myself to ewu-me'e, no let we luv jus kpa'fuka so, u sef don over-try, e no go make sense to go, pack all ur things waka lef, dis na gbe'ge wey we fit win i dey beg u to believe. . . . e no easy, hardship no good, tears dey heavy inside, as u say e don do u, u wan betta life, man wey go make u smile but i dey beg jus hold on small, jus try make u believe. . . . |
Re: Naija Love Rhymes For Valentine by maedan(f): 1:05pm On Nov 19, 2009 |
Semid, so becos dem re-instate u, u come dey humble all those ur gra-gra don turn to cookie crumble if na me dem ban, me i no go come back I go jus' close my mind and give NL the sack But in ur case wey u talk say u act the fool E good as you promise to dey calm like swimming pool |
Re: Naija Love Rhymes For Valentine by semid4lyfe(m): 1:57pm On Nov 19, 2009 |
Hmmm - Maedan, I no know how I go explain am to you See - the love wey I get for NL pass the one wey I get for my boo As them ban me, I be like animal wey dem lock up for zoo Becos 4 me, NL don become an obsession & addiction Cos e dey damn interesting & is a 1-stop site for information I assure u - no be good thing or pleasant experience So abeg, make u no do collect ban o- cos I go miss ur presence. |
Re: Naija Love Rhymes For Valentine by maedan(f): 2:38pm On Nov 19, 2009 |
semid, e true say NL get im own plenty advantage but make d Mods no dey go on banning rampage wetin dis place go be without the diversity of members e go just dey boring like say na house of rep chambers in any case, i no go dey find wahala wey go give me ban or else dat one go be d fullstop to the era of maedan |
Re: Naija Love Rhymes For Valentine by RuuDie(m): 11:33am On Nov 21, 2009 |
becuz im don arrange rover, u don dey swallow saliva, ur mind dey move like jan'grova, now 4 again ya eye im no be casanova, babi u jus play ball go over, use ya own hand catch palaver, i no go cry too musch cuz mo'rova, babes ya'kpa all-over, wen im don chop u like gro'va, add all ur pallys join inside d manuva, by force u go waka dey beg 4 ur lova. . . . |
Re: Naija Love Rhymes For Valentine by adebayo201: 11:39am On Nov 21, 2009 |
this is the new ruudie not the old one coz the new is hotter than the old. io love that. |
Re: Naija Love Rhymes For Valentine by maedan(f): 9:24pm On Nov 21, 2009 |
Yeah ruudie dat was a nice one. I dunno how u do it time after time. Kudos, . |
Re: Naija Love Rhymes For Valentine by semid4lyfe(m): 11:04pm On Nov 21, 2009 |
Hmmmmm, Ruudie - good work. I particularly like this your one-sound rhyming sequence. Keep it up! |
Re: Naija Love Rhymes For Valentine by adebayo201: 12:49am On Nov 22, 2009 |
Dat iz it @maedan so u like it too @semid. Topic: we don already enta december, special thanks to GOD 4 keeping me out of danger, christmas don dey knock, turkey, pigeon and hen don dey cock, as christmas dey 4 corner, everything don start to go higher, u go get jeanz 4 about #2000, while topz go dey go like #1000, lagoz izland don turn to d busiest area, just kno try to visit alaba, na gutter u go meet urself, coz pple kno dey right or left, lastma money na b small, na so pple dey fall 4 their destructive wall, wel, make i wish una happy christmas, abeg make una bring me sumtin xcept london rothmas |
Re: Naija Love Rhymes For Valentine by maedan(f): 11:03pm On Nov 22, 2009 |
^^dis ur poem jus remind me of home e no good make person dey roam lagos na d enjoyment capital, me i know even with d area boys & go-slow @ adebayo, thanks 4 bringing bak d memories time no dey,i for tell u plenty stories |
Re: Naija Love Rhymes For Valentine by adebayo201: 7:16pm On Nov 23, 2009 |
maedan: y when will you tell me |
Re: Naija Love Rhymes For Valentine by RuuDie(m): 2:35pm On Nov 26, 2009 |
Nice one for the xmas season Adebayor. . . . . . really smoooth! |
Re: Naija Love Rhymes For Valentine by olulu(m): 1:22am On Nov 29, 2009 |
wow, so dis thread neva die, i bin think say my guy dey lie so una still dey flow d flow and write d write, well sha, all correct everythin just plug inside d fun socket make una carry dey go, i just pop in to say hello. @maedan, i think might need your skills, if u game, my emal is on my profile, holla if u interested |
Re: Naija Love Rhymes For Valentine by adebayo201: 3:56pm On Dec 02, 2009 |
Mr olulu the playa, plz, no mak ur heart grow fonda, na u, rotimy nd d likes make we thank, back in dayz, na ur rhymez wey dey 4 back, we dey tap, to make up a rap, haw i which rotimy is here, ruddie, maedan,semid nd me where there, hmmm, what a hot thread here wil be, even the love go dey radiate like bee, wel, me just say make i swaley, and also to make hay. |
Re: Naija Love Rhymes For Valentine by olulu(m): 10:24pm On Dec 02, 2009 |
hmm my guy adebayo are u related to d actor kanayo? but sha e good to know u still dey keep dis thread alive, shows love go always survive. e don tay way i flow last and back in d days i use to have a blast now i dey try turn my talent to gold hoping d tin will b sold but i no comot love from my heart cos na d tin wey dey important pass for dis earth i bin still need a woman to call my own one wey my mama no go dis-own so if u still dey lovable and very portable u fit come enter d place make u fill up d space then u go b my one and only and i will neva leave u lonely |
Re: Naija Love Rhymes For Valentine by MyneWhite1(f): 2:36am On Dec 03, 2009 |
Check out this book for rhymes You can now download a copy of the ebook here on LULU http://stores.lulu.com/store.php?fAcctID=4531432 |
Re: Naija Love Rhymes For Valentine by semid4lyfe(m): 3:27pm On Dec 03, 2009 |
Ah, I bin fear . I think sey our reverred Myne White sef don dey wax pidgin rhymes |
Re: Naija Love Rhymes For Valentine by adebayo201: 12:21am On Dec 05, 2009 |
;d ;d ;d ;d |
Re: Naija Love Rhymes For Valentine by adebayo201: 12:35am On Dec 05, 2009 |
. . . sey yoruba ni e tabi ibo are u frm osun or imo talk naw b4 i use igo u wan see places make we go mexico i b a bonafide student of futo i hot pass Ajegbe and Obanikoro girls dey gang up as if i b Ronaldo just agree to my offerando kia kia i go buy u toyota kiaro, cum nairaland, cum feel my memo semid, olulu, maedan, ruudie dey rhyme pass I K Dairo me adebayor, hot pass Naeto we go take jet go do honet moon for pluto |
Re: Naija Love Rhymes For Valentine by RuuDie(m): 1:48pm On Dec 05, 2009 |
my people e don tey wey i attend, no be sey i no send, ground no level i no go pretend, man back dey down dey bend, from eko all d way to southend, d koko na jus to ruff am to d end, do so that levelz go blend, arrange things wey spoil to amend, so no be only borrow we'sef go fit lend, tight we side so e no go hard to defend, on no pesin we go everly depend, and the gods of we land we no go offend! |
Re: Naija Love Rhymes For Valentine by RuuDie(m): 2:26pm On Dec 05, 2009 |
i no be pikin again, lai-lai xmas no fit do like rain, nowadays e just be me too plain, sometime sef e no dey do me gain, but baby if i can marry u i no go complain, na d only xmas gift wey can make me maintain, i go happy tey i no go fit to explain, walahi e go be me like i neva sabi pain, to God i go run naked from Aguda to Costain, even go baff inside tinubu square fountain, u don gum my inside mind yonder like stain, d luv i get for u sweet pass ripe plantain, no one but u wey be captain, e dey carry me up, up aeroplane, all my life na im kpere i jus need to dey sustain. |
Re: Naija Love Rhymes For Valentine by RuuDie(m): 3:13pm On Dec 05, 2009 |
if u no be millipede, or u no dey smoke igbo weed, berra arrange ya'self with speed, she be wetin u want, wetin u say u need, but u no ever do am as expensive bead, u say wetin? make i helep u to plead, all ur problem na ur longa-throat & greed, u go harvest from ground all ya seed, na wetin hand work na im mouth go feed, me i no go follow u as u dey waka lead, and i pray ur word she no go heed, for every wey u do her no be thing to read, u suppose suffer wella & even bleed! |
Re: Naija Love Rhymes For Valentine by Nobody: 12:35am On Dec 09, 2009 |
What happened to this thread? Where's everyone. Thnks Ruudie. |
Re: Naija Love Rhymes For Valentine by RuuDie(m): 4:03pm On Dec 09, 2009 |
@ fl gators, madam no panic, this no be titanic. make u no afraid sey e go fall, lai ti lai e go always dey tall. i sure sey all man jus dey le', dey hassle to arrange xmas dough like ko'le'. wen time reash dem go show, and d whole place go be like e wan blow. luv na wan kain thing wey funny, becuz 1ce u fall e go shack u pass money. |
Re: Naija Love Rhymes For Valentine by maedan(f): 4:48pm On Dec 09, 2009 |
like play like play d interest wan fade bc e come dey taste somehow like lemonade but RuuDie dey try, even adebayo201 no shy so with those two i know dis thread go continue because na plenty things dem dey add to this love rhyme revenue |
(1) (2) (3) ... (22) (23) (24) (25) (26) (27) (28) ... (40) (Reply)
Out Of The Blue / Nephilim / Rhoda
(Go Up)
Sections: politics (1) business autos (1) jobs (1) career education (1) romance computers phones travel sports fashion health religion celebs tv-movies music-radio literature webmasters programming techmarket Links: (1) (2) (3) (4) (5) (6) (7) (8) (9) (10) Nairaland - Copyright © 2005 - 2024 Oluwaseun Osewa. All rights reserved. See How To Advertise. 50 |