Pls loaf Anoda episode. Ur story just funny ma guy. I cnt hold ma laff anymore, just bursting ma brain wt later.

PopoolaTaiwo:
Pls loaf Anoda episode. Ur story just funny ma guy. I cnt hold ma laff anymore, just bursting ma brain wt later.

just make sure u book a seat here man

the story just started,my main aim for writting the story is to always put smile on peoples face,yea make them laugh as they read and ask for more


the only thing that weak and pain me guy nah when people read without commenting Chai e dey kill my moral


so thanks for saying something

still your guy youngzubi

Youngzubi:
Episode……………..3
GBEDU!!!!!!
___________________
E SURE FOR ME
_____________________________
MEET MY NEIGHBOR
___________________________________





As I hear 150k, e come be like say na my account balance spata dey tell me,nahim I grab the bill comot for him hand, as I look am my drunkness clear fiaa for my eye
I come carry table water use wash my face wella dat one na to be sure say watin I dey see for the bill na true



Spata nah how much you talk say dem write inside this bill??…….na me ask



Na 150k nah……….spata yan


I swear to tear you slap jus dey hungry my hand,infact your village people don succed in geting you o!,dem jus dey use your brain dey test their new winchcraft……na watin I tell spata be dat

Because na 15k dem write for the bill, wia him go carry extra zero come join I no nor,mtcheew I don already tell una say na goat spata be ,dont worry I go yan una about him later nobi now,make I quickly go settle our bill becos night don land already



I waka go meet one attendant,nah dia I pay the 15000 naira,I for like make i carry one better babe dey go house o! But onto say I don tire for the day nahim make me reason that one as later things




Omo na drag I drag spata go house o!,the idiot don dey sleep naso him just dey talk rubbish as we dey go



We manage reach house naso I drop spata for ground comot my shoe and climb my fine new bed chai the bed soft well well ….no go think rubbish oo


PIifffff!!!!!! naso I sleep till next morning…





#########################


Saturday morning





I wake up for the following morning,look every wia but I no see spata,so I just do my normal morning exercise na watin I dey always do to keep fit.


I enter bathing room na dia I brush teeth and baff
The whole compound don already busy with children noise every wia onto say na Saturday no work no school



Ko! Ko! Ko!!!!


Peson knok for my door…….



Na only for naija peson go dey knok your door with hand and go still use him mouth dey shout ko ko ko join


Who dey diaa!!……I ask

Its me your neighbor……na man voice


Chai fvck up I been dey pray say make my neighbor be woman…


I near door as I open am…..


Goodmorning bro,I guess you are the new tenant right….the peson ask



Na who be this one wey come dey use grama to dey spoil my better morning eh??..na for my mind I dey reason dat one o!


The guy na very handsome guy too just my stature…….


Yes na, nah me how things na?….I ask am as we shake hand


Am good bro,Am sentino by name,a banker but I wont be going to work this morning becos am in the afternoon shift…….


Ehen! Ha you be rich guy na……na me be spana the letest rugged guy in town,tho I never get work onto say I just land but with time I go engage na!


Did you just say spana,hey dude thats a funny name you gat there……


Yes you free to begin laff if e funny
But guy I no dey like people wey dey speak too much English oo!


Oh oh! I see ,ok na I go see u leta in the day nah.i just say make I come greet you …..sentino said as him waka go


Me sef I waka go back enter kitchen,na that time I come remember say I never buy any food stuff put for house,chai I quickly carry my ATM card,lock my door naso i waka straight to bank


As I enter compound omo come see fine fine girls,me I nor dey look man na woman I dey always look….
Some of them dey greet me onto say I be new tenant while me I dey greet some onto say I go like introduce them to spana



i later waka enter street thank gawd sey bank no far from my house as e dey just across the road


i don almost reach main road o! Nahim I come see three aboki wey dey shine shoe chai una need to see argument


Aboki 1: walahyii I go schooo kwo na fur primly sikiss me I finish am….


Aboki 2 : furgate tha one I no say I no go zukul but me I zabi buuk pass you walayii


The third one just stand dey nack him box kpoi ! Kpoi ! Kpoi!! ,e be like say that one no dey speak broken at all becos him just. stand dial dey shine teeth…..


Aboki 1 : oya if u sabi book pass me wey go schoo watin dem dey kwall monkey for English


Aboki 2 : hahaha!!!! Hayii hayiii!!!! Walayi you dey maky me laff well well kwoo!!
monkey fur English na chimpiezy nah who no no dat one….


Aboki 1 :kai wo mana ...na gawd safe you say you get am , I fur laff you tire!!!!


Chai laugh no gree me laff wia I stand,I just kukuma cross road waka dey go bank…….


i don almost reach bank before I sight one fine Lexus like that wey park for front,one woman about 46+ waka come down as she carry her purse enter bank,but no be she i dey look,No e get one beautiful damsel wey seat down for passenger front seat omo the girl fine diee!!!



I just stand dey reason how I go take approach her befor her ma’le go come back

tho she suppose don reach 25 yrs old the way I take see her

but As a smart rugged guy wey I be,I nor say this one go sure for me so I gather mind waka go meet am


As I reach her side omo her beauty come increase no artificial makeup at all,but the problem come be how I go fit get her attention becos she put ear piece for ear close her eyes come dey sing you are my African queen by tuface idibia


Chai come see sweet voice ,infact I go make this one my girlfriend becos she complete pa!!


I try everything wey I fit do ,but this babe no gree open eyes e be like say the song dey enter her brain


I just vex tap am………
She shock as she quickly open eyes comot the ear piece sharpaly


Wow see beauty my heart mealt instanta,so I just smile ,my smile na electric shock to girls oo


Omo the way I take hear her accent she be ajebuta oo ,abeg una go permite me make I speak English small


Me: hi

She:hello….


Me: with my Charmin smile still on my face,it seems you love that song so much cos I been greeting you for a while now,am beginning to imagine what sort of song would make such a pretty girl like to be soo carried away


Oh!! My gawd please forgive my mannars,I was actually practicing,I have a show to perform in this evening,so i was actually practicing ….she said giggling



Comfirm comfirm comfirm!, since e be say she like music and she dey perform too...e don settle na,the thing na to just apply law 919 coded,it mean say mesef I go pretend and lie for am say I be musician too so e go dey easier for me to toast her


Na so I come gather all the better lie from east north west and south tell am say me sef I be multinational instrumentalist,sey I fit play any kind of musical instrument………..

una need to see as the girl just happy she come open door com outside full

Wow you mean you can play music instruments very.well…..she ask


not just very well am a professional an expert for that……….I sweet mouth join


Wowwwww!!!!! Please can i have your contact please I would like you to come to my show this evening,even the state governor will be there,its a very big show please promise me you will be there…..she pleaded


Oh! Boy I tell una say I go make am for Lagos I tell una say I be baba for the girls chai if I fit make this one my babe e mean say I don turn rich man be that……

So we exchanged contact after I promised her that I will come to her show


Chai I rush enter bank go cash 30k nahim I use you go buy food items put for house

Later in the day after I don chop sleep,watch TV sotey I come tire nahim I go carry wall clock hold for hand dey look time ……
Ooooo!!! make four nack nah




3;30 pkam I rush enter bathing room go baff after that nahim I come remember say I nor get any suit at all
Better idea enter my head so I quickly run go sentino house since him be banker e mean say suit go full every wia…
But as I nok na one fine babe like that wey wear bom short open door I guess na sentino girlfriend

chai the girl over make sense i Iook am sotey I come forget watin carry me come
She just close door as I no talk anything na look I just dey look am

Sentino later tie rapper come outside na den I comfirm say my bros dey do assignment


Bros thank gawd say you neffa go work oo….I greet


Abi na I for won go but my babe Maya just land from her mupsi side from katakata , so I decided to waya small nah!!


baddoo I dey feel you bros abeg you fit borrow me any of your well ironed suit
abeg e get one interview like that wey just surface

Chai sentino na sure guy as him carry one better suit gimme……

3:45 I don already dey road,e no tey before I reach the big gigantic hall wia the show hold omo no be small show be that oooo
Come see big big men car full every wia Chia to buy car come dey hungry me but na keke I take come sha
I enter hall after the bouncer grant me entrance when I show them the iv card wey the babe don gimme earlier
Every wia don full gbimm as I enter,every wia just dey smell rich rich

I stand dey look befor I sight her coming to wia I dey stand with better smile for her face…
She hug me as she reach wia I stand omo this babe too make sense pass Maya sef ..Chai e go sure for me oooo

She carry me go wia her Parents seat down
Nahim she come introduce me as her very good friend say I be multinational instrumentalist
Chai my head come dey swell as I shake hand with both him ma’le and pa'le dem

Him papa na rich man oo because na two bouncer and two soldier dey stand for him back as body guard…

The girl later carry me go another sit na for dia we sit down dey gist before the stupid MC come call her up for stage say make she come perform
She excuse her self as she waka go stage omo come see clapping

She carry microphone,,,,thank u thank u everybody am glad you all came this show ...this evenin i wont be perfoming alone ,there is a very good friend of mine who is an instrumentalist ,both of us will be doing it together to night I will do the singing while he would be playing the keyboard


Please ladies and gentle men help me to welcome YOUNGZUBI !!!!!!!!!!!!!

chai shiit catch me wia I sit down omo I don enter am today

I tell the girl say my name na youngzubi earlier base on say spana go dey local

People begin clap mesef I follow them dey clap infact na my own loud pass

She wait wait and wait for wia I nor even stand up
Nahim she come use her hand come drag me go stage

Omo I go seatdown for wia the key board dey nahim the girl come whisper for my ear say her voice dey for F key

Chai cold sweat catch me as I sitdown dey look the keyboard dey wonder why the white keys come long pass the black keys,how i won take see F keys for this plenty keys wey full every wia i wonder oo

Zubi start now …..she shout

Chai I don die oo!!for my life I never touch keyboard before but I gather mind press one key

Piaaaa!!!!!!!!,the whole speaker shout chai hot we we catch me instanta

I press black one

Poowwwww!!!!!!!!



Zubi be serious now stop playing with the key board….she talk


I come gather mind us all strength take press the whole keys both white and black together..
Chai una no go like hear the sound wey the thing make as my village people shout issa awa work oo!! for my head

the girl vex trowey mic and run go down the stage
Omo fear catch me infact I begin dey drop we we for sentino trouser as I sight the girl papa soldier as them dey climb stage come meet me with vex……


Na watin I go do oooo!!!!! Gbese le oo!

hehehe... my belle o

spata go kill him self becos of toto

Chai ! Baddoosha#yoi be bad guy... I can't stop laughing. Good one,guy. Ride on in your majesty... Winks winks

Bursss brain LELEYI


I dey GBADUN d pigin package.. Tiri gbosa for u

wow! guys we made it to the front page!!!!!!
nobi for mouth my pals
@youngimporter Ann2012 silver1996
and my sure bros tho we never meet before @pradoic

na una give me liver no vex if i no remember to mention u,just know that u'er there!

Talent

And na d front page we go remain

Abeg no kill me with laff with Spata matter biko

Youngzubi:
wow! guys we made it to the front page!!!!!!

nobi for mouth my pals

@youngimporter
Ann2012
silver1996

and my sure bros tho we never meet before @pradoic


na una give me liver
no vex if i no remember to mention u,just know that u'er there!

Nice wright up
Guy I dey feel you
Abeg tell Spanna make im calm down now
Na only him waka come ni

nice one so far , keep it up .

Youngzubi:
wow! guys we made it to the front page!!!!!!

nobi for mouth my pals

@youngimporter
Ann2012
silver1996

and my sure bros tho we never meet before @pradoic


na una give me liver
no vex if i no remember to mention u,just know that u'er there!

I know e go happen because the talent is raw keep it coming am at ur back always.

see as i dey laugh, pipul dey wonda why i dey laugh like wey just test weed for the first time

...

Nice one brotherly, this story make sense like yansh. Make I know come forget my date of birth ooo.

ride on

Episode...........7



GBEDU!!!!!!
------------------
oga police na d.p.o

him wife dupe o


will spana dip o?
--------------------------------------






"As spata carry vex go yesterday,we no come get the opportunity to discuss about the offer at hand by big mama"





"na this morning i just wake up come dey reason whether to just accept the offer"but e no go make sense nah,come to think of it"if i should make the decision without spata's concept,and thing no come work as expected"na who i go run go meet?

spata!"so i have to carry him along be that"oyibo people talk say two heads are better than one"abi?,so nahim be say i go reach spata crib"

"ah that reminds me o!,since wey we land for lagos i never go spata house,Chai no'i have to go there this evening,yea that one na for sure"




Na money be fine booboo!!!!!..my phone ring,as i rush go grab am look the screen only to see say nah big mama(jolade) dey call me"


so i pick the call sharpaly as i talk'''




"hallo!!"




"hello! spana"




"goodmorming ma!"




"morning sweet heart"how was your night,hope you slept well?


ah like pikin ma"i sleep for bed wake under bed"u see that one nah to show u say i sleep well nobi small"


"oh! you have start again,silly boy, emm! spana..she called

"ma!.....i reply



"would you be available this evening and tomorrow?,,,,na she ask



"watin? hope no wahala""



"no not at all just that there is this wedding of friends daughter that i would be attending tomorrow in warri,so i would like us to go together"please can you accompany me?



ah warri??



"yea warri any problem with warri?



no o! not at all,infact am more than available,i full ground ma,shey na now we dey go?




"no spana"but wait o if i may ask,what is all this your excitement about?




"ask Google" but na for my mind i talk that one o!

"nothing ma maybe na the party rice"i replied



oh no! spana hope u won't come and disgrace me there,becos my main reason for taking u along is actually to display u around,i want my rich friends the senator wife and so on to see how handsome you are,i want to introduce u to them"



"ah that one nobi problem u suppose no say na joke i dey follow you joke nah" i replied





of course i know"abi who no no spana and his funny attitude eh"...she said


"abi na"



Ehe! spana there is still one more thing"


"watin that one cone be ?



you have to get yourself new nice dress"you need to dress hot i mean dress rich"


"naso leave that level for me ma"na you go dey beg me say my hottest dey burn your skin"


"i thrust you dear"bye get prepared o becos we'er leaving by 6:30 today,we would log in a hotel till tomorrow that the event would hold"


"ok ma no shigbi shigbi"



"bye"


tuuuu!"the call cut"

"Chai see opportunity to reach warri wey i don dey plan to visit since my ma'le halla me say make i reach cabar"


"ha! na to quickly rush go boutique go buy new wears o!"

so i open my drawer carry 20k"lock door then waka enter compound"boutique straight"




"as i step outside nahim i sight oga police leaving for work with him wife escorting him to gate as usual"na that time i remember say the woman tell me she dey sell clothe"


ah! i for do evil now o"thank gawd say i never go buy am"

so i carry chair seat for my frontage dey wait for her to come back,


"e nor tey as she open gate enter back"



"ah bros well done o". she great



"goodmorming...i great


"goodmorming she great back bending on her kneel a little in respect just like average yoruba woman would do"


"Ehen" na clothes i won comot go buy for boutique sef,as i come sight u and Emm! oga polic



"his name is frank"she correct



"Ehen! ok oga frank"na when i sight una i remember say u tell me earlier say na clothe u dey sell,nahim make i relax for hia dey wait for u,make u escort oga frank com back"


"ah bros so u for carry my money go dash them for outside! Chai bros dey do well o"



"eh no vex jare hope say u still get some for house abi ur girls them,don carry everything go shop"




"no o! ha e still plenty for house sef,just follow me,infact na u go run sef bros,the kind quality wey them be eh! oju kokoro no go allow u leave any of them" she said as she lead the way to her apartment ,me sef i stand up follow her for back"



Chai so nah bum short this lady wear sef"ah ah how come i no see am since"na wia my eyes com dey look since na"


"Jesus see heavy load "this one na okwu,egbami eeeeggbbaaammiii,see as the thing take stand e com big" this one na one in town o!

"if to say i go fit get this kind lady and marry eh,walahyi i go dey committed diee! ,i no for dey look all this small small girls tolo tolo yansh"nbanu na this one be standard deviation"


"infact i comot cap for oga police him get eyes Die,him com sabi beta thing die,come carry better thing till he diee!!

"na all this rubbish i just dey reason for my mind as i follow the woman behind til we enter their parlour"



"oya bros sit down,make i quickly go carry the clothe come...she said and left



"omo me sef i balance for one couch relax well well dey look around the whole parlour till i sight one picture frame for wall"


"na their wedding picture frame"so na 6months ago them marry sef,becos the date was written on the photo"


"i look again as i sight oga frank picture,omo.na d.p.o the man be"oga patapata"



" emmh bros abeg manage this one"you no say u never come my house before since u pack in so this one na to welcome u" she said as she place 5 alive on a side stool beside me ,and left maybe to get the clothes



"omo i grab the juice piaam"

"gbraaa!! i comot the cover"


"dom dom domdomdomdom!!!" agghhh!!!!"

"i finish everything drop the empty carton for the stool"

" omo my heart beat gem gem! as i sight the woman shaking a glass cup which she rinsed as she dey waka come"

" with hope say e still dey inside she grab make she pour enter the glass cup for me"

"ah ah bros"


"eh!!" i answered


" no vex o so na empty carton i carry come sef"


"eh! u sure,i replied


"yes na mtcheew e no go pass pelumi hand work that boy eh!


"wait make i go bring wine for u"i go deal with him later"



"she brought one wine like that,omo na lick i take tongue dey lick am small small so that watin do juice no go repeat him sef again,naso she waka enter room"



"ah yo0! aunty please o! i no touch am i swear Ni tori oloun,i no near fridge sef"



"na the shout wey dey com out from their room be that"


2mins later the woman together with small boy about 13 years carry big big sack dey com out"


"ah bros no vex o!,na this my husband brother pikin wey come dey live with us"the boy too stubborn"


"ah naso all of us do when we dey this age so just leave am eh na small pikin him be",,i replied





"oya drop am and enter room she commanded the boy,which obeyed as he drop it and ran enter house"



"so bros na to begin select"


ok i started selecting' to be sincere na quality true true"


omo i select till she carry one fine trousers up"


"bros see this one o,e go fit u die



"but e no fit size me na"


"this one?,,,,she ask


"yes shebi na me dey tell u,if i see watin go size me i no need to test am before i go know"

"forget that one bros see i don dey sell clothe tey tey,i no new for this business wey u see so,
na out of experience i dey tell u


so test am first"



i stood up,collect the clothe from her and wore it"


"u see e tight na watin i dey tell u"


"na lie na becos u wear another clothe"just comot all ur clothe first and wear am again u go see say na your size ",,she said


eh u said??,,,,,i replied in supprise




"ah ah bros watin happen abeg forget that level o"no go think say i won look ur dick abi u no wear boxers".....she asked



"i wear na but***



"No but bros comot clothe and wear this thing"abi u won come form innocent now"see i hear as annabel dey scream for ur room that day,so package that level o




"watin!!!!

"yes na abi i dey lie.see i even come put ear for window sef"


"you.said??



"aha ! now u know so bro comot that clothe now and test this one"...she said again





"ah i don enter am o!,how i go take comot clothes na" even as spana take stand gagaraga now for my boxer omo na disgrace o,becos no how she no go take see the full length once i comot this trousers





"bros why u dey waste Tim na"see no how ur tin go long or big wey e fit reach my husband own "so relax no size wey i never see"carry this thing and test jare"". she pressed on




"i no for sure say this lady dey fall for me as me sef dey fall for am,but what of oga frank ewoo !! aye mi o!



"omo why my life dey always enter one corner everytime "see now she dey blackmail me sef


"noting wey i fit do so i loosen my belt draw my trousers down as spana comot head from my boxer waaaa!!!!



ahhhh!! bros Jesus !!!!! na watin be this see as e long jesuuu!!!!.....the lady scream with her hands on her head..




to be continued

next update dropping soon

Spana oya take action....

When be the soon when the update 1 dey drop

Really bros u r screwed & skilled.... #following

Yes,first of all you have to give me much much apollogies because you can't not start a work like this without inviting Damibiz,i 4 report you to broda Apollox and Theblessedman but maybe u no knw,your work is very different,we need your type here plenty..nice writeup man

Ama first timer in da literature section but believe me am happy am here just keep dropping...

Njor kilode I don tire for English jare..


Broda mi kwantinue we dey ya back, I go soon invite the best hands for sexuality wey I from come..

Stress-relieving story indeed

Haaa,she fear spana

do fast do fast abeg.. we de ur back

[color=#990000][/color]make i register my present hear oya zubi eyan rubi quontinue your gud work

MrsEvakinqz:
Ama first timer in da literature section but believe me am happy am here just keep dropping...

Njor kilode I don tire for English jare..


Broda mi kwantinue we dey ya back, I go soon invite the best hands for sexuality wey I from come..

u are highly welcomed

do as u have said

go carry ya people come so e no go be only u wey waka come omo mi tell ur people make dem gather kwum

Youngzubi:



u are highly welcomed

do as u have said

go carry ya people come so e no go be only u wey waka come omo mi tell ur people make dem gather kwum

kosi wahala ni

Nice one boss. I dey follow your story bumper to bumper

Damibiz:
Yes,first of all you have to give me much much apollogies because you can't not start a work like this without inviting Damibiz,i 4 report you to broda Apollox and Theblessedman but maybe u no knw,your work is very different,we need your type here plenty..nice writeup man

no vex brotherly

just like u said

i nor know nah

so i hereby invite damibiz !!

u welcome man oya take chair

Police wife yaff sight Spana

Continue Boss

Well done o, I been like pidgin, so I carry chair come