Stats: 3,188,962 members, 7,936,080 topics. Date: Friday, 30 August 2024 at 11:52 PM |
Nairaland Forum / Entertainment / Literature / I Fit Be Second Jesus(sex Na Food 2)the Return Of Spana By Youngzubi (65507 Views)
Naija Yahoo Life(get Rich And Die Young, Pidgin EDITION) By Youngzubi / Bottle Warriors(beer Parlour Night Tale)story By Youngzubi / Sex Na Food (Pidgin Comedy Edition) Story Of A Rugged Guy By Youngzubi (2) (3) (4)
(1) (2) (3) ... (5) (6) (7) (8) (9) (10) (11) (Reply) (Go Down)
Re: I Fit Be Second Jesus(sex Na Food 2)the Return Of Spana By Youngzubi by Pinkfeet: 9:12pm On Oct 12, 2018 |
Nice update keep up thumb up |
Re: I Fit Be Second Jesus(sex Na Food 2)the Return Of Spana By Youngzubi by Chuksteric(m): 11:59pm On Oct 12, 2018 |
Nice update.. Fire down |
Re: I Fit Be Second Jesus(sex Na Food 2)the Return Of Spana By Youngzubi by ejerukeuzezi(m): 4:02pm On Oct 13, 2018 |
keep d fire burning @ youngzubi.... e dey Tay make u update oh.. not fair at all... u used to update daily before.. but now I don't know if it's weekly or monthly self... I know u are busy guy but atleast try consider ur fans from here also na... all d same u na real gee... thanks so far boss |
Re: I Fit Be Second Jesus(sex Na Food 2)the Return Of Spana By Youngzubi by Youngzubi(m): 11:12am On Oct 14, 2018 |
Click on this link to join youngzubi Facebook group, also add and invit your friends to the group https://m./522542228206163?ref=bookmarks |
Re: I Fit Be Second Jesus(sex Na Food 2)the Return Of Spana By Youngzubi by stevodot22(m): 9:23pm On Oct 14, 2018 |
pradoic:I don land like bomb. Thanks man for the invite. |
Re: I Fit Be Second Jesus(sex Na Food 2)the Return Of Spana By Youngzubi by VicThory(m): 12:43am On Oct 16, 2018 |
Nice writing dude More ideas to ur head bra |
Re: I Fit Be Second Jesus(sex Na Food 2)the Return Of Spana By Youngzubi by Danavast(m): 11:35am On Oct 20, 2018 |
This my first comment on dis story... U too much bro |
Re: I Fit Be Second Jesus(sex Na Food 2)the Return Of Spana By Youngzubi by Youngzubi(m): 1:50pm On Oct 22, 2018 |
Episode 7 The secret house I was able to enter nija through the airport onto sey my prison matter don die down, Nigeria na one kind useless country wia peson fit manipulate security intelligence anyhow, as my brother (mike) and him boys destroy all the prison office such that dem no fit see any file pick, so i no sure if dem still get my identity and again the people wey attack the prison is still unknown till today, at least i go fit move around but with caution.... **************** I know sey matter don hot as red shadow don surface back, but for the fact that my popsi dem dey under him captivity just weak me die, but never relent i nor fit give up lie lie, sharpaly i grab my mini bag and rush outside, i no even bother to sign out from the hotel as i burst outside, i could feel the cool morning breeze as the tin begin refresh my skin, i stand rooted as the thought of next action wey i go take shadow my mind, then the need of car emerged, as na quick and simple swift action i need taxi no go be a good idea at all, so i begin watch the street dey observe people's movement as wait patiently for my victim to surface, you fit dey wonder watin i mean by victim but no worry because matter go soon tear yansh open.... "within few minutes later, from where i bin stand a lady voice draw my attention as i turn sharpaly only to see one chubby lady shouting with jolliness, then a young guy like that shuk head outside from Toyota camery. " victor!!!, the chubby lady shout as the guy come down from the moto leaving the car on with the key still in, dem hug themselves and begin shower pleasantries like sey dem never see each other for years, omo i begin draw near from where i stand, opportunity comes but once tbem say "codedly i near the guy as he rest back for the moto still discussing with the fat lady.. " ahhh victoo!! Na you be this?, i shout immediately i near them, i begin watch as the guy confuse trying hard to see if him fit recognize me, me sef i never see the guy before but i know my plans,... " sorry have we met before, please my manners i cant recognize you sir, the guy yan " see victor o!, so na because sey you don get moto begin chop money nahim make you forget me your guy chai baba begin do well, omo see moto o!.,jeez this one na chala chala, i said and begin touch the moto ignoring his confused and questioning look, i begin take advantage of the confusion wey i don create enter the victor guy head as i dash inside the car onto sey the door dey open viam!, i jam the door gwaam!! And release the hand brake, with better force i jam leg ontop the accelerator as the engine make noise and the moto zoom off!, God punish devil nobi today i begin fitstyle tinz, i thought as i enter road *************** The journey from abuja to lagos nobi easy matter at all, i for kukuma travel straigth go my place for warri but E no matter again as the battle don already start, so na to begin execute my plans dem, onto sey i don sabi how to handle security agencies anytime i thief something settling police for check points no hard me at all, trust nija police.. "jejely i begin locate my secrete house for ikeja lagos, one thing wey make me like myself be sey i smart die, nobody not even spata know sey i get a secrete house ikeja, the house small but powerful as i get everything wey i need inside ranging from weapons to money.... "the journey to my secret house still far but as i don enter lagos na matter of time... ***************** LASCARD *********** The man good, no doubt about am, how peson wey you just meet, peson wey never see you before get this kind soft heart towards you, i just dey thank God sha at least make i enter house wey get roof, doors and windows for my life, but i still dey fear for the good man life, him life dey ontop seriously serious danger for danshiki go surely come after him life, danshiki as the street king dey always sell some of us to rich men, and watin make me run be sey him don agree to sell me to one rich woman like that, she fine die with plenty guards wey follow her but she smells dangerous, thank God for sambisa who yan me watin dey ground sey danshiki won sell me and nahim make me begin run immediately i sight him boys coming towards me that time i bin stand with causetrouble and sambisa them, chai i dey miss my guys dem... "young boy, the man voice jab me up from my deep thoughts. " ma erm sorry sir!, i yan as i begin adjust well ontop the moto front seat wia i sidon jejely as we dey go the man house... "whats your name again, he yan " eh!?, i yan... "what did you say your name is, the man yan again as i begin scratch my head dey wonder the name wey i tell am before, erm lascard sir, i yan " las wat "my name na lascard, i repeated " lascard!?, does that suppose to be a name. He yan "but na wetin everybody dey call me, i yan " who are the everybody?, he Yan "my padi dem causetrouble and sambisa and Its ok, he cut in, now i get, you be street boy but dont worry i go help you ok.... He yan " ah sir thank you wella o, chai so that means i go get family eh, i yan curiously "yes, i get wonderful family, God fearing family for that, the man yan then my eye jam the bible wey relax gidigba ontop him dashboard. " sir you be pastor??, i yan as i begin pray sey make him say no not at all at all... "yes of course, wow you must be a very smart boy, the man yan smiling as i frown..... To be continued..... 7 Likes 2 Shares |
Re: I Fit Be Second Jesus(sex Na Food 2)the Return Of Spana By Youngzubi by Damibiz(m): 2:57pm On Oct 22, 2018 |
Lascard de fear bible nee...? 1 Like 1 Share |
Re: I Fit Be Second Jesus(sex Na Food 2)the Return Of Spana By Youngzubi by Nobody: 4:52pm On Oct 22, 2018 |
Welcome back young zubi 1 Like 1 Share |
Re: I Fit Be Second Jesus(sex Na Food 2)the Return Of Spana By Youngzubi by famopompy(m): 6:42pm On Oct 22, 2018 |
Youngzubi this food small. welcome back bro 1 Like |
Re: I Fit Be Second Jesus(sex Na Food 2)the Return Of Spana By Youngzubi by Youngzubi(m): 11:28am On Oct 24, 2018 |
Episode 7 Little saint ------------------- After the long journey wey be like forever, i finally reach the junction wey lead to my street, the kind holdup i encountered nobi here anyway nah wetin dem take know lagos, i just dey pity people wey dey drive go work everyday chai, jejely i begin slow down immediately i spot one bongalow down the street, ontop the building dem write "litte saint orphanage home" by now una suppose know sey nobi my secret house be that but we're heading somewhere, i pulled up beside the gate as i waka come down and made to go and open the car boot nahim i sight some guys seating ruggedly ontop bench for one kai kai joint opposite the place wia i bin stand, i kukuma side their matter as i bend down open the moto boot begin pack different bags dey come out, i just hope this move wey i decided to take no go be bad idea later later but which ever way the deed is done already because i done buy more than plenty things for those innocent souls, so never relent spana gat to make up for some bad deeds before him go enter hell as heaven nobi for pepple like me, who cares after all na human being wey we be so death na part of us and according to their holy book sinners i mean killers go to hell! A place for the toughs, man pikin don turn stone heart but it still feels good when the right is done so make i help people now wey i still get the chance because by this time tomorrow i nor fit yan as my life go take be, and E go be too selfish if i eventually die leaving all my millions behind without trace so make i share some with people wey really need am.... As the security wey dey in charge of little Saint orphanage home sight me and the goodies wey i bin dey offload from my boot, sharplay without delay the man jab up instanta as him and some other rush me and begin cary those things go inside the orphanage � home.. Like better person wey i no be, i begin match inside the orphanage home though gently but still thinking roughly and rugged as a minute never pass without me stealing glance on thos crazy dudes opposite, just incase of the unknown i turn begin survey the environment as the area sef dey accomodate my secret house but in more isolated part of the street "good day sir, you are highly welcomed to little saint orphanage home, please come inside,"an old woman yan interrupting me, i look her side without being told i know sey nah she dey take care of those children.. " ok thank you ma its my pleasure, i yan as tje old woman smile displaying incomplete set of distructured yellow teeth but well rounded smooth face that kept on glittering as she keep on that same motherly smile, maybe she don see all the goodies and beta gbeduciuos chop chop wey follow me come "winks"... .... I shuk head inside and we burst out inside their seating room, for the first time in my life tears begin drop from my eye without me crying, spana getting emotional na lie but the water just dey blind fold my eye the more i scan those children, merely looking at dem you no go need make person yan you sey dem dey suffer from poor feeding (malnutrition), some of dem sef don carry h i v stature very tin... On a second thought i begin reason am sey E fit be sey na this kind life my pikin dey experience that one na if E still dey alive "daddy!, one little girl voice jab me out as i look down only to see one yellow like pawpaw girl standing beside me, she cute with natural dreadlocks.... " sir it seems you'er emotional, the old woman yan "Err, nobi so but i just dey feel for their suffering," i yan now carrying the small girl as she begin play with my golden chain......... 1:45 minutes later i wrote cheque of 10million and foward am to the old woman in the name of those less privilege children, i yan her sey make she help those one wey down grow find better government school so that them go at least start school since lagos state dey under free education, and i also made arrangement for their transportation as i pay for a luxurious bus wey go dey transport dem from school, i just like the steps wey i just take although the tin slimfit my account somehow but 5 out of 100 is like nothing..... "dem begin bonbard me with prayer when i yan dem sey i won begin go, after pouring all the blood of the guy wey dey heaven ontop my head dem free me sey make i go in peace, even my little baby girl begin cry as i drop am E pain me sha so i comot my necklace and wear am for her neck, i warn the old woman sey make nobody try comot am because i go come back for her and again make nobody adopt her infact i go the extent of bribing the old woman with two million... Good bye baby girl i yan and begin match outside ruggedly in slow motion *************** LASCARD ------------------ "Dad who is that boy?, she said to her dad the man that had helped me and also soon to be my own father too, so i thought " oh he is your brother, his name is daniel, the man yan to her daughter, from where i stand beside the car i watch as the gate man lock the gate and rush to the man saying," sir welcome sir.. "thank you azeez," the man replied... I begin scan the young girl, if i yan una sey she is charming infact na under statement, i guess she go dey around 17 so dey clear sey she senior me wella but i go get sense pass her E sure for me na, but how that kind young girl go package like this omo see backside eguuu!! "daniel!!! Err!! Sorry sir!!!, i yan as i try compose my sef onto sey my small man don dey receive current from her Bluetooth... " wetin you dey think daniel, the man yan, the name sef dey sound somehow for my ear but onto sey a Barger no get choice i just have to manage... " Erm sir, i yan scratching my head dey search for better lie wey i go samah, yowa i sigh as beta one enter Sir the name never too master me, i yan " oh dont worry with time you wil get used to it...the man yan as we begin enter house Sir what of your wife, i manage ask out of curiosity as time dey talk 5:48 pm and am him wife is still to surface.. " you mean your mother.. "the man yan " Err, yes no, no yes "hahahaha, is ok, my wife traveled outside the country, our church is holding a conference with all the branches in south Africa and she is the one that went for the meeting. The man yan still smiling " ehn ok sir, shebi she no go pursue me comot whe "no no she don know about you already, i be pastor and i don help over 1000 people like you in the past, some of them don marry some don finish school dey work, so relax ok, the man yan as him stand up and yan, Cynthia am off to my room keep him company and if you guys need anything call the house help... "ok dad, Cynthia yan looking at my face " good, the man yan and waka comot "hey big head is that how you look at people like fish head, Cynthia yan immediately him papa waka comot " wetin u talk?, i yan trying to understand her English To be continued... 5 Likes |
Re: I Fit Be Second Jesus(sex Na Food 2)the Return Of Spana By Youngzubi by donaldphilipizu(m): 11:54am On Oct 24, 2018 |
wow grt update,kep it up bro |
Re: I Fit Be Second Jesus(sex Na Food 2)the Return Of Spana By Youngzubi by Deyoungne: 12:04pm On Oct 24, 2018 |
9ice one bro awaiting |
Re: I Fit Be Second Jesus(sex Na Food 2)the Return Of Spana By Youngzubi by Danicomrade(m): 12:26pm On Oct 24, 2018 |
Daniel will be shining cynthia kongo |
Re: I Fit Be Second Jesus(sex Na Food 2)the Return Of Spana By Youngzubi by paprika212(f): 12:55pm On Oct 24, 2018 |
spana being emotional hmmmmm okoooh |
Re: I Fit Be Second Jesus(sex Na Food 2)the Return Of Spana By Youngzubi by famopompy(m): 2:07pm On Oct 24, 2018 |
Spana please feed us more |
Re: I Fit Be Second Jesus(sex Na Food 2)the Return Of Spana By Youngzubi by Damibiz(m): 9:41pm On Oct 24, 2018 |
Lascard do turn Bro Daniel hahahahahahahaha |
Re: I Fit Be Second Jesus(sex Na Food 2)the Return Of Spana By Youngzubi by akandavid(m): 11:19pm On Oct 24, 2018 |
nice one bro |
Re: I Fit Be Second Jesus(sex Na Food 2)the Return Of Spana By Youngzubi by topedoski(m): 7:09am On Oct 25, 2018 |
If na me be spana ehn I go just scatter cynthia chiclets. ![]() But I know love go soon enter when Lascad go don dey fresh due to enjoyment for pastor house. ![]() |
Re: I Fit Be Second Jesus(sex Na Food 2)the Return Of Spana By Youngzubi by Youngzubi(m): 12:12pm On Oct 26, 2018 |
Episode 9 SPANA "The best way to be safe na to feel unsafe,so I no bother to spare those guys even a glance, in other not to give them clue sey i dey oblivious of the environment, you know, along the years i have grown to always pay attention to movements and people surrounding me, with better touch on the motor the engin Kickstart instanta as i zoom off, but not after observing those guys wella, they had gun!... "i stil get plenty for ground, but i don already planned my moves, so my first terget na oga frank the d. P. O....i go make my first hit on her daughter that will definitely weak him, and E nor go pass tonight" sure" i thougjt as i pull up in front of one redeem church, i park the motor well for better isolated area then waka come down as i follow one narrow path beside the church, the road narrawo as E connect go back of the church and for there suited a busy public yard, jejely i waka pass everybody as people amd children busy with different chores, "bros welcome,chike a boy about 18 years yan " hey alubam, any dispute wey try connect the Bluetoot?, i ask the rough looking chike codedly, the boy get two blade scars across him two chicks... "yes boss, one dadacious element wey plait hair, him some times ago paraded this area, chike yan " spata" i yan inside me, but how come, how spata take find out oh no not again "boss E be like sey you know " i go see you later, keep ya eye red make no fly pass without you observing, i cut in then waka fast begin go the next building where my secret house situated, in no time i land in front of the house, quietly i insert the key as the first lock open, then, i stil follow the same procedure take open all the locks as the door finally give way and i shuk head inside shutting the door behind...boom! "everything still in place as darkness gather full the whole house based on sey all thw windows dey closed, but that one nobi matter so i move to the kitchen section and remove the gas cooker nahim one switch surfaced, without delay nor much deliberation i rush and click on wetin seems like light switch then the side wall path ways as underground steps surface, the wall close back immediately i waka inside, kodus to my energy power storage because E no fail me at all unlike nija nepa the thing turn on give light instantly i entered my password into the system, cool i sigh as computers begin beeps sound with blinking lights, jejely i move to the weapon section, after i don hack oga frank daughter social media accounts take check her recent chats for better information, then shut down the computers immediately i sight her chat with onefrank Ruben(a petroleum engineer), them go dey attend a family get together party this night by 8pm,"perfect" i yan as i draw a long silver box out from the weapon vault..... Time to strike my first victim!!!!! *********** ******************* Me and Pastor daughter daughter LASCARD =========== what else can life offer me, see as i just dey sleep ontop better bed dey wake up everymorning to eat better food chai, Na just two tins dey worry me for this house, Cynthia and as the man take be pastor na just this two things dey worry me, but never relent i go soon settle one matter out of the two which Cynthia "kai, that girl too fine abeg, she get wahala join, come see as she take dey bonbard me with better talk talk yesterday, she no even mind sey i be stranger, merely looking her you go know sey she dey happy as i take come dey live with them although i go soon begin teach her bad things onto sey street life nobi wetin deliverance go fit comot from my body, lie lie but i go need to try my best dey form good boy so as to make the man like me wella yes o na bette idea be that, so make i kukuma comot from bed go begin sweep house,"only if i go fit see sambisa dem chai we go just chop all the food wey dey inside this big house see the kind room wey only me dey stay money good jare", i thought as i jump down comot for bed begin go parlor...... "as i was descending from the step, i stop instantly when i sight Cynthia dusting the tables and tv stand, for like 5mins i forget sey i be human being as i begin reason for my mind how God go take create peson this beautiful chai " maybe she no see me but all i know be sey she just stand and adjusted the wrapper wey she bin tie,on that process all her assets display for my face like plasma TV, i loose balance for where i stand it was a sigbt to behold as electric current pass through my veins, she carry as everything stand paa! 'iyee!, i mutter as i mange turn begin go back to my room, even when i reach inside the room sidon for bed tbe image wey i see nor gree clear for my eye, all my thoughts just dey revolve around, but wait o! E be like sey she purposely do am abi she no know sey i dey stand for there?, "daniel!, i hear as Cynthia shout my name interrupting my thoughts " yes!, i manage shout as i jab up arrange myself and waka go meet her for my door "hey sleepy head, dad want to see you" she yan standing akimbo "Err?, i yan " huh, are you ok, she yan looking me without even blinking chai "you say wetin? " my papa want to see you, "she said clearly now " oh shey nahim you won talk since, you come dey speack gibrish oya waka make i follow you for back Jejely i begin follow her for back as we match dey go parlor........ "good morning sir, i greet the man immediately we surface for parlor " morning my son, how was your sleep?, he yan "fine sir.. " good, ok i can see that you two are getting along already, that is how brothers and sisters should be not exchanging abusive words ok.. Said the man "yes sir, we yan " so daniel we will be going to Cynthia formal school tomorrow so that we make enquiry based on your enrollment, the man yan "ah! You mean sey i go soon start school agin?, i yan " yes you wil, you said that you stopped at primary school right? "yea sir, na for primary school i stop for one kpako government school like that wey dey turn people brain upside down," i yan "hahaha that's hilarious daniel, so you mean your brain is actually upside down now,,,,, Cynthia yan still laughing " yes onto sey i nor sabi even ABCD reach Z well well.. I yan as she even laugh more "ok ok, you guys should take good care of yourselves,am on my way already see the people i have appointment with is calling already, the man yan and exit the sitting room..... " you see common letters of the alphabet you dont know, fish head, she said and samah me better punch for bell as she tear race begin run go her room, sharpaly i pursue her enter the room and jam the door boom!....... To be continued share and comment, dont miss the next update 6 Likes 2 Shares |
Re: I Fit Be Second Jesus(sex Na Food 2)the Return Of Spana By Youngzubi by Deyoungne: 12:45pm On Oct 26, 2018 |
I dey fill U ma man next |
Re: I Fit Be Second Jesus(sex Na Food 2)the Return Of Spana By Youngzubi by Danicomrade(m): 2:11pm On Oct 26, 2018 |
Guy na which kian suspence be dis na i go break ur head o ![]() ![]() ![]() ![]() ![]() ![]() 2 Likes |
Re: I Fit Be Second Jesus(sex Na Food 2)the Return Of Spana By Youngzubi by Youngzubi(m): 3:11pm On Oct 26, 2018 |
1 Like |
Re: I Fit Be Second Jesus(sex Na Food 2)the Return Of Spana By Youngzubi by Youngzubi(m): 3:12pm On Oct 26, 2018 |
Re: I Fit Be Second Jesus(sex Na Food 2)the Return Of Spana By Youngzubi by Youngzubi(m): 3:25pm On Oct 26, 2018 |
1 Like 1 Share |
Re: I Fit Be Second Jesus(sex Na Food 2)the Return Of Spana By Youngzubi by pacifust058(m): 4:26pm On Oct 26, 2018 |
Thanks for the update |
Re: I Fit Be Second Jesus(sex Na Food 2)the Return Of Spana By Youngzubi by VincenzoZhuxu: 5:21pm On Oct 26, 2018 |
![]() ![]() |
Re: I Fit Be Second Jesus(sex Na Food 2)the Return Of Spana By Youngzubi by emperorblog(m): 7:15pm On Oct 26, 2018 |
good read more cool,and interesting story on www.emperorblog.com.ng |
Re: I Fit Be Second Jesus(sex Na Food 2)the Return Of Spana By Youngzubi by Gerardo88: 9:25pm On Oct 26, 2018 |
I de feel lascard pass spana nw |
Re: I Fit Be Second Jesus(sex Na Food 2)the Return Of Spana By Youngzubi by famopompy(m): 10:17pm On Oct 26, 2018 |
Youngzubi the great Spana, destroyer of spata and the rest..... I dey feel you |
Re: I Fit Be Second Jesus(sex Na Food 2)the Return Of Spana By Youngzubi by topedoski(m): 11:18pm On Oct 26, 2018 |
All I have to say is lascad shud try and represent the street in that room ![]() |
(1) (2) (3) ... (5) (6) (7) (8) (9) (10) (11) (Reply)
Chimamanda Adichie Buying Corn By The Roadside In Anambra State / Oyeku:story Of Lust,injustice, Destiny And Human Wickedness, 18+ / Caleb (Non-human Fiction) By Safarigirl
(Go Up)
Sections: politics (1) business autos (1) jobs (1) career education (1) romance computers phones travel sports fashion health religion celebs tv-movies music-radio literature webmasters programming techmarket Links: (1) (2) (3) (4) (5) (6) (7) (8) (9) (10) Nairaland - Copyright © 2005 - 2024 Oluwaseun Osewa. All rights reserved. See How To Advertise. 80 |