Its now 15years since the great priest and prophet Fela Anikulapo Kuti left this earth. I tot i just dropped 2 important one of his lyrics and relate them to d present day scenario

(1) ...........My pipo sef de fear too much! We fear for the tin we no c! We fear for the air around us. We fear to fight for freedom, we fear to fight for liberty, we fear t fight for happiness and we fear to fight for justice......... Fela Anikulapo Kuti (Sorrow Tears and Blood)

If we dont fight for justice, the AGF will throw the cases of the fuel subsidy criminals into the trash can


(2).......All the big big pipo dem go de get electric, if dem no get electric dem go geti planty, light for ordinary man for town now nkor o? E no de! ....... if e no go, e go come, if e no come e go go, e go brighti gan, e go brighty small ........ Fela Anikulapo Kuti (Original Sufferhead)

Still d same wahala in 9ja after billions spent on NEPA and PHCN.


will love to hear pipo's as they drop their favourite Fela lyrics

Oyinbo dem no tell Army sef, if na for England i me no fit take over. I come think about this Democracy! DEMO-CRAZY!
CRAZY-DEMO! Demonstration of Craze. If no be Craze why for Africa? As time dey go, things just dey bad. Dey bad more and more, Poor man dey cry, Rich man dey mess. (Teacher don't teach me Nonsense)



Them get one Style wey them dey use, them go pick one African man of low Mentality. Them go give am million Naira bread to become of high position, him go bribe some thousand naira bread to become one useless chief.
Like Rat they do them go do from Corner-Corner! passee-passee! under-under!...
Then gradually, gradually, gradually, gradually them go be friend to Journalist, friend to commissioner, friend to permanent secectary, friend to Minister, friend to Head of State.
Then start-start them Corruption, start-start them Inflation, Start-Start them Oppression, start-start them confusion,
start-start them oppression, start-start to steal Money like Obasanjo and Abiola.
(Chorus) International Thief Thief! I.T.T International Rogue! International Thief! We go fight them WEll WELL!(I.T.T)



We go Obalende, we go Dodan Barracks, we reach dem Gate O. We put the Coffin down, Obasanjo dey there with him big Stomach, Yar'Adua dey there with him Neck like Ostrich.(Coffin for Head of State)

He be say you be colonial man you don be slave man before. Them don release you now but you never release yourself.... (Colonial Mentality)

Every day my people dey inside bus forty-nine sitting, ninety-nine standing. Them go pack themselves in like sardine, them dey faint, them dey wake like cock, them go reach house, water no dey, them go reach bed, power no dey, them go reach road, go-slow go come, them go reach road, police go slap, them go reach road, army go whip, them go look pocket, money no dey them go reach work, query ready. Every day na the same thing.... (Suffering and Smiling)

One of my favs is Sorrow Tears and Blood...

My people self dey fear too much. We fear for the thing we no see, we fear for the air around us, we fear to fight for freedom, we fear to fight for liberty, we fear to fight for justice, we fear to fight for happiness, we always get reason to fear. We no want die, we no want wound, we no want quench, we no want go... I get one child, Mama dey for house, Papa dey for house, I want build house, I don build house, I no want quench, I want enjoy, I no want go. So policeman go slap your face, you no go talk. Army man go whip your yansh, you go dey look like donkey. Rhodesia dey do them own, our leaders dey yab for nothing. South Africa dey do them own... Them leave Sorrow, Tears, and Blood

Teacher Dont Teach me Nonsense is another one of my favs! Infact, I dont know which of Fela's songs aint my favs! *sigh* I wish this guy hadnt died. It's so painful to hear all the truths in his songs. He speaks truth yet no one listens. It's really sad.

A pic is equivalent to a thousand quotes... Check out Buhari just to the right of the sign that says, "Human rights is our property."

[img]http://3.bp..com/-17A4Pd5e0ag/TucWqKZtCoI/AAAAAAAACLU/bR3tTh80T9Y/s1600/BeastsOfNoNation_1.jpg[/img]

Vid below.
The younger ones among us, learn patience and wait the full 12 minutes before the song starts, its bloody good music and a damn wicked song.

Abami Eda, rest in peace.


https://www.youtube.com/watch?v=pCpua4dvUXs

^^^^^^^^^^^^^^^^^^^^^^^^^^^^^^^^^^^^^^^^^^^^
These disguising leaders ee-o, na wah for dem
Dem hold meeting everywhere, dem reach America

Dem call the place, the United Nations
Hear-o another animal talk
Wetin united inside United Nations
Who & who unite, for United Nations
No be there Thatcher & Argentina dey
No be there Reagan & Lib-i-ya dey
Is-i-rael versus Lebanon
Iran-i-oh versus Iraq-i
East West Block versus West Block East
No be there dem dey oh- United Nations
Dis united United Nations
One veto vote is equal to 92
What kind sense be dat, na animal sense

Thats a bad song right there. You just couldn't resist a dig at Buhari, right?

Don't think for one second that Baba wouldn't have dropped a fuel subsidy hit for GEJ.


@ OP

Authority Stealing

You be thief (I no be thief)
You be rogue (I no be rogue)
You dey steal (I no dey steal)
You be robber (I no be robber)You be armed robber (No be armed robber)
I no be thief (You be thief)
I no be rogue (You be rogue)
I no dey steal (You dey steal)
I no be robber (You be robber)
I no be armed robber (You be armed robber)
[Chorus]
Argument, argument!
Argument, argument, argue
Them argue
Everbody dem argue
Them dem dem argue
Up and down them argue
Everbody dem argue
Them dem dem dem argue
Yes yes, them argue
Everbody dem argue
Argument about stealing
Somebody don take something
Wey belong to another person

Original Sufferhead

Water Light
Food House
Ye paripa O
Wetin do them
You mean you don`t know
Wetin do them
I go tell you
Wetin do them
You go hear am
Wetin do them

That means to say you no dey
For Nigeria be that
You see yourself
You no dey for Africa at all
You must dey come from London
New York, from Germany, from Italy...

That means to say you no
dey Nigeria be that
You see yourself you no de for
Afrika at all
If you dey for Africa where we dey
you go know
I go know wetin

Plenty, about water, light, food, house
I go know wetin
Plenty plenty water for Africa
Na so-so water in Africa
Water underground, water in the air
Na so-so water in Africa
Water for man to drink nko

I listen to the great one at least twice a week to enhance my consciousness about Nigeria...

My favourite tunes are:

[size=14pt]Yellow Fever [/size]
Malaria fever nko? (He dey!)
Jaundice fever nko? (He dey!)
Hay fever nko? (He dey!)
Influenza fever nko? (He dey!)
Inflation fever nko? (He dey!)
Freedom fever nko? (He dey!)
Yellow fever nko? (He dey!)

Original catch you
Your eye go yellow
Your yansh go yellow
Your face go yellow
Your body go weak
I say but later if you no die inside
The yellow go fade away

Artificial catch you
You be man or woman
Na you go catch am yourself
Na your money go do am for you
You go yellow pass yellow
You go catch moustache for face
You go get your double colour
Your yansh go black like coal
You self go think say you dey fine
Who say you fine?

[size=14pt]Lady[/size]
If you call woman
African woman no go ‘gree
She go say I be Lady o
She go say I no be woman
She go say market woman na woman
She go say I be Lady

I want tell you about Lady
She go say him equal to man
She go say him get power like man
She go say anything man do
Him self fit do
I never tell you finish…
I never tell you…
She go want take cigar before anybody
She go want make you open door for am
She go want make man wash plate for her for kitchen
She want salute man she go sit down for chair
She want sit down for table before anybody
She want piece of meat before anybody
Call am for dance, she go dance Lady dance
African woman go dance she go dance the fire dance
She know him manna Master
She go cook for am
She go do anything he say
But Lady no be so
Lady na Masster
Call am for dance, she go dance Lady dance
African woman go dance she go dance the fire dance
She know him manna Master
She go cook for am
She go do anything he say
But Lady no be so
Lady na Master
If you call am woman
African woman no go ‘gree
She go say I be Lady

[size=14pt]Colonial Mentality[/size]
He be say you be colonial man
You don be slave man before
Them don release you now
But you never release yourself....................


I say you fit never release yourself
Colo-mentality
He be say you be colonial man
You don be slave man before
Them don release you now
But you never release yourself
He be so
He be so them dey do, them dey overdo
All the things them dey do (He be so!)
He be so them dey do, them think dey say
Them better pass them brothers
No be so? (He be so!)
The thing wey black no good
Na foreign things them dey like
No be so? (He be so!)
Them go turn air condition
And close them country away
No be so? (He be so!)
Them Judge him go put white wig
And jail him brothers away
No be so? (He be so!)
Them go proud of them name
And put them slave name for head
No be so? (He be so!)
Colo-mentality now make you hear me now


[size=14pt]Authority Stealing[/size]
You be thief (I no be thief)
You be rogue (I no be rogue)
You dey steal (I no dey steal)
You be robber (I no be robber)
You be armed robber (No be armed robber)

Argument, argument, argue
Them argue
Everbody dem argue
Them dem dem argue
Up and down them argue
Everbody dem argue
Them dem dem dem argue
Yes yes, them argue
Everbody dem argue
Argument about stealing
Somebody don take something
Wey belong to another person
Then you go hear:
You be thief (I no be thief)
On top of the road, on the side
People dey waka
Office workers, labourer workers, workers' workers
Them go dey waka
Inside bus them go dey
Motorcycle them dey ride
Plenty, plenty crowd
Inside this crowd
Sometimes for one corner
Sometimes for one street
You go dey hear: ha ha!

^^^^^Abami eda was the greatest!!!

Jamaica had Bob Marley!
America had 2pac Shakur!
South Africa had Lucky Dube...


[size=14pt]Nigeria had the greatest of them all - FELA KUTI!!!!!![/size]

When trouble sleep, yanga go wake am! Wetin e dey findddddd.... Palavaaaaaa e dey find! Palava e go get e °ºH!

my broda make you no follow book o
look am and go your wey.

Na crase world we dey,crase world
I say na crase world we dey,na crase world
For where BUHARI dey eh,crase world,na craze man be dat,craze man

"Na Padi Padi government wey dey,Egba mi O. Na nigerian goverment bi dat yeparipa o"

"

Water......eno get enemy!

I So Much Love the Suffer Suffer Track
Suffer suffer suffer suffer Suffer for World Na your fault be that Me I say na your fault be that Suffer suffer for World Enjoy for Heaven
CHORUS: Amen Christians go dey yab*
“ In Spiritum Heavinus”, Moslems go dey call “Allah wa Akbar” ,
Open your eye everywhere Archbishop na miliki*
Pope na enjoyment Imam na gbaladun*
Archbishop dey enjoy,
Pope self dey enjoy, Imam self dey enjoy My brother wetin* you say?
My brother wetin you say? My sister wetin you go hear?
My sister wetin you go hear?
Archbishop dey for London Pope dey for Rome ...
My people – them go dey follow Bishop Amen
Them go follow Pope Amen
Them go follow Imam : Amen
Them go go for London ,Amen Them go go for Rome: Amen
Them go go for Mecca ,Amen Them go carry all the money: Amen
Them go juba* Bishop : Amen
Juba Pope Amen Juba Imam : Amen
Them go start to yab themselves Every day – for house Every day – for road Every day – for bus Every day – for work
My people my people my people Every day my people inside bus : Suffering and smiling Forty-nine sitting forty-nine standing : Suffering and smiling
Them go pack themselves in like sardine : Suffering and smiling Them dey faint, them dey wake like cock Suffering and smiling
Them go reach house water no dey : Suffering and smiling Them go reach bed power no dey : Suffering and smiling
Them go reach road go-slow go come : Suffering and smiling Them go reach road police go slap : Suffering and smiling
Them go reach road army go whip Suffering and smiling
Them go look pocket money no dey Suffering and smiling Every day na the same thing Suffering and smiling Suffer suffer for World Amen
Enjoy for Heaven Amen Christians go dey jab Amen “ In Spiritum Heavinus” Amen Moslems go dey call Amen “Allah wa Akbar” : Amen How many many you go make : Many many Suffer suffer for world : Amen

When Fela was screaming at the top of his voice, sadly people didn't listen. today we are seeing most of what he sang about koro koro. I like:


MR. FOLLOW FOLLOW


Mr. Follow Follow
*[CHORUS] FOLLOW, FOLLOW, FOLLOW,- FOLLOW, FOLLOW, FOLLOW (2X)

Some dey follow follow, dem close dem eye
*[CHORUS] DEM CLOSE EYE, PIN- PIN- PIN
Some dey follow follow, dem close dem mouth
*[CHORUS] DEM CLOSE MOUTH, PAM- PAM- PAM
Some dey follow follow, dem close dem ear
*[CHORUS] DEM CLOSE EAR, G'BOING- BOING- BOING
Some dey follow follow, dem close dem sense
*[CHORUS] DEM CLOSE SENSE, BIRI- BIRI

I say dem close sense,
Dem close sense

If you dey follow follow
Make you open eye, open ear, open mouth, open sense (2x)

Na dat time
Na dat time you no go fall (2x)

If you dey follow follow dem book
*[CHORUS] NA INSIDE CUPBOARD YOU GO QUENCH (2x)

Coakroach dey, ee-rat dey, Ikan dey, darkness dey- ee
*[CHORUS] NA INSIDE CUPBOARD YOU GO QUENCH** **(destroy)

My brothers, make you no follow book-o
Look am and go your way

*[CHORUS] FOLLOW, FOLLOW (on 3,4- continues until end)

Make you open eye, open ear, open mouth, open sense
(riff/repeat as desired)

My brothers, make you no follow book-o
Look am and use your sense

Una don post dem finish nah .... Buh ma own nah ..
Arch Bishop dey 4 London(hun hun)
Pope dey 4 rome (hun hun)
Imam dey 4 Mecca (hun hun)
.....

Arch Bishop na miliki
Pope na Enjoyment
Imam na Gbaladun
tararanra ... Archbishop dey enjoy
tararanra ... Poopu sef dey enjoy
tararanra .... Imam sef dey enjoy

Dem go dey follow bishop .. Amen
dem go dey follow bishop ... Amen

From "Overtake Don Overtake Overtake" (ODOO)

My friend wan come buy fan
Him dey sweat when him dey sleep for room
Him dey for level of 03
The fan na seventy-five naira

My friend him dey for low salary
Him dey try to save and save and save
Every time he nearly buy the fan
Government go add ten naira more
Every time he nearly buy the fan
Government go start one activity
Till the fan reach two hundred naira
My friend nearly die, he never die

My friend he no wan die
Die-die no dey for him dictionary
For where? Huh...
Him dey try to save and save again
Him save for one year and six months

Inside cupboard
Under pillow
Under, under cooking pot
Inside socks
Under carpet
Him dey on his way to buy the fan
When alarm come blow

Wiiiiiaaaaaaaa!

Government announce second tier
Everything come tear to pieces
Everything come expensive
Even water become expensive

Second bass, jare... pop!

Fan don become seven hundred naira
Me and my friend start to look ourselves
He remain small make my friend dey cry
Na laugh laugh he catch monkey
Na now he come understand him life
Enjoyment can never come him way
Na now him life dey go reverse
In Africa, him fatherland
One more time..

. . .. . . . . .. . . . .still not getting this whole fela kuti noise making.

... Toba boni shakara pade o ... Pasan to ma na e o ... Oje loun je ... Shakara oloje

Na all the problem of this World na im we dey carry for Africa, u no go ask me which one,,,problems of corruption....problems of inflation...Austerity.