I remember the day wey Mr Salawu caught some seniors in hostel when them suppose dey class for evening lesson, as im wan enter the hostel na im 3 of them run go hide. Only yakubu was foolish enough wey im hide inside a water filled tank wey dey inside court-yard and cover himself up, as the man see say he don jump enter the drum, he no kuku pursue others wey run go hide inside ceiling for toilet again, he just sit down carry paper dey read beside that big drum and start to dey sing style-plus song so that the guy go know say im still dey around.
After about 10min na him Mr salawu start to dey hear bubble sound from the drum, he continue to dey sing, Yakubu no fit bear am again na im he jump up comot for the drum started breathing heavily com dey beg. The teacher laugh tire so tey he no even fit purnish am again, na laugh the man laugh till he no even remember find other defaulters wey don go hide inside toilet despite the fact say the man wicked die.
Which kind story happen for your secondary school hostel when you dey boarding house?