If you hear say I dey prison
No reason say I thief
No think say I kill
Na small question wey I ask

Oya make I ask
Why e be say after elections politicians dey comot mask
Abeg wetin graduates commit
Wey companies dey treat us like vomit
Why new roads node last like nepa
Why bail na free for only paper

If you hear say I dey sanko
No think say I steal
No think say I kill
Na only question wey I ask

Why we go go school, read book, graduate with nothing to carry hold hand
I still no understand why people wey shoot gun, burst pipe, kidnap oyibo, go enjoy government settlement
Why our soldiers dey score A for foreign peace mission but for book haram na carry over

If you hear say I dey prison
No reason say I thief
No think say I kill
Na small question wey I ask

Why our leaders’ node take oath of office for amadioha shrine make dem serious
Why fire service motor dey suffer from dehydration
Why the price of petrol dey sky rocket
Why black market people dey empty our pocket
Why everyday police dey catch armed robbers for newspaper
While armed robbers still dey thief with pen and paper
If you hear say I dey prison
No reason say I thief
No think say I kill
Na small question wey I ask

Why lecturers still dey measure dia grades by shots of sperm or marks based on sorting
Abeg how much be security vote
Wetin happen to excess crude account
Why police men dey always high for checkpoint
Why pastors like to preach about tithe from Malachi 3 and not Deuteronomy 14
Dem say person wey ask question node miss road.

Hook from Humphrey Ogu

Dem de disiv demsef
Wai a no go hala

Your first was pretty long I enjoyed it though but if you hia say I dey prizin was it.

Following

Please keep following, tomorrow's poem will be nice.