One Serious accident happen this morning, for front of Jesus Heal Klinic. As one yeye Benz 190 jam Okada wey carry one woman around 3:48am.

The woman wey dey d Okada dey battle for her life immediately after the accident, why d Okada man sustain minor injuries. More so the driver for the Benz dey drunk.
The identity of d woman dey unknown, as at the time wen dem rush her enter Hospital. She dey pregnant and her name na ESTHER, as her husband name na Etus wey dey sell CD plates for Orhiaki by Abeke Road.

I dey use dis update dey draw the attention of the State and Local Government to quick, go repair that bad spot becos na death trap to motorist.

We go upload the photo of the car, and the bad spot, wey d Okada dey dodge before the car hit the Okada later. But na d pix of d woman wey just die go like that nai dey under dis post so.

We just find out now say dem don contact the Husband but unlucky for the man, before he reach d Hospital, the woman give up.

Kindly console the family as you type REST IN PEACE ESTHER.

God Bless Sapele.

SAPELE/DELTA STATE MUST BETTER.