MATCH PREVIEW:- As e dey hot for pidgin

SUPER EAGLES VS ALGERIA

Anoda weekend don land wey bi for qualifers for di 2018 World Cup. Di one wey Naija go dey tap ball with dem counterpart for Afrika, Algeria wey go hapen for Uyo, Naija na di koko.
Eagles, Algeria, Cameroon,Zambia dey di same group for dis World Cup qualifer and as e dey so, Eagles don standa on top the group bambam with 3 points as dey nak Zambia 2-1 for dem hous, Zambia con dey last. Algeria and Cameroon dey same point on top di 1-1 wey dey play for Algeria hous.

WATIN DON HAPEN BEFOR

Eagles na baba for head-to-head, as dey don beat Algeria eight times, draw three and chop kane for six times. Di first match hapen on 10 Jan., 1973 wey dey play for Lagos, Naija nah 2-2 e tey finish. Na 30 Jan., 2010 b di last time wey dey play, Naija beat dem for Benguela 1-0.


WICH BETA PLAYER GO SHOW

FOR EAGLES:- Kelechi Iheanacho and Alex Iwobi wey tear dem Zambia net go show for d match. Mikel Obi na still di skippo. Victor moses and Ighalo wey no play Zambia don land and redi for Algeria match. Naija go miss Carl Ikeme di Ogboge numba one goalie wey don get one kind yeye injury no go show. Na Daniel Akpeyi replace am.

For Algeria:- Riyad Mahrez and Islam Slimani wey dey tap ball for dem Leicester city for yankee go show. Nabil Bentaleb wey no show for dem first match don full ground bambam. Leekens, dem new coachee don replace Rachid Ghezzal, Ryad Boudebouz, and Arabi Soudani wey don gey injury with Baghdad Bounedjah, Yassine Benzia and Ismael Bennacer.


WATIN DEM DEY YAN

EAGLES
"We don get beta swagger to beat dem Algeria because say we go play dem for our hous and our people go give us beta support"-----Baba Gernot Rohr.

"We no go too loud am, we go try put mind on top our team. Algeria no b beans, dey don prepare wella. We pray say baba God allow us beat dem and get 3 points on saturday"-------Onazi

"Na di first match for our hous, di match dey koko. We go play our pattern and work together. "--------Mikel Obi.

ALGERIA
"Na we get pressure for bodi because we need beta result for Naija. We go show say we b beta team on Saturday"------Georges Leekens
" we no go allow any mistakes, we sabi say Naija get beta player, but we go show dem fire"------Nabil Bentaleb.

WHEN THE MATCH GO HAPEN

Di match go hapen for Uyo stadium , naija for saturday 5pm naija time.

TALK YOUR OWN

E no dey easy to predict this kind match because e go tight wella. Di two teams no dey Kampe like befor wey dem dey rule for Afrika. But naija self dey reform dem team under baba Rohr. Algeria don sack dem coachee afta di draw against Cameroon. Di name of dem new coachee na Goerges leekens and hin first na against Eagles.
My prediction na draw.....

.

Algeria 2-1 Nigeria


La quote La silent

dematch na naija go win am. No shaking

I no free for all of Una talk for how d match go end. My own be say Naija go win Algiers 3 - 1.

No be me predict am o. Na one prophet talk am for Tv and I follow shout Amen o.

Na wich prophet talk am?

Op you try well well....oya take this odeku take wage your conscience

Odeku plus pepe soup...... Chai

We go dey samah you beta tori for here as d mata go b so for tomoro match..... NO LELE.... STANDA GIDIGBA..... E DEY INSIDE.......

Our Ogoge legend for naija, kanu don yan say make naija come out to support our player say nah our support dey need dey go give naija 3 points

U mean Ghezzal don get injury??

TankGod ooo

E remain mahrez

Make we all support eagles...... 3 points

Super eagles line up......... #soar eagles