Inspector-General of Police Intelligence Response Team, IRT don finally arrest notorious kidnap kidpin, Evans, for inside em bedroom for Magodo area of Lagos.

Before dem see am arrest,Police don place N30million bounty ontop em head for anybody wey go fit give dem information on how dem go fit arrest am.

Em real name na Chukwudidumeme Onuamadike, 36 years, and hail from Umudim Village, Nnewi North Local Government Area of Anambra State.

When dem enter em house to arrest am, he talk say em know say na the end be that.

He say,
“I know this is the end,m I am finished”.

When dem do preliminary questioning, Evans confess say na em dey behind almost all the kidnap of people wey get high profile for places wey dem include mostly Lagos and den other places like Port Harcourt, Onitsha, Aba.

dem recover many items for em hand when dem arrest am with expensive phones wey one dey enter like $6,000.

Em arrest and em gang members own happen after dem kidnap one Donatus Dunu, owner of one pharmaceutical company wey dey Ilupeju, Lagos,wey kon escape for where dem don keep am for months.

Dem kidnap am for the front of em office for Ilupeju, on Febuary 14, 2017 after he close from work.
Dem block em car with their SUV and dem kon carry am throw inside booth of the car, kon carry am go.
Em family members later pay N150m make dem release am but the kidnappers talk say na N500m dem want. Dem even threaten say dem go kill am if dem no pay the money full.

Few weeks after, Dunu miraculously escape from their hideout for Igando, wey dey Lagos.
He alert security agents wey kon start to round up the members of the gang.

Police source talk say almost all police formations for the country dey on red alert as dem dey try to locate the notorious kidnap kingpin, Evans, the Inspector-General of Police, wey dey vex ontop the delay, send three special teams wey dem attach to em office go Lagos to go join hand with the forces wey don dey on ground.
Report talk say the team come there with new sophisticated communication gadgets for the operation.

Intelligence reports show say the reason wey dem no fit arrest Evans na because of sey em get some jamming device, wey dey make am easy for am to lock out signals wey fit make police force detect where em dey.

After dem change the equipments wey dem dey use, the force kon get where em dey on Friday night even though em phone sef don dey off so dem no go fit see am.

Dem trace am go em house for Magodo (Lagos), wey be sey em don already pack em load, as em don ready to fly comnot for Naija go South Africa, the next day.

After dem arrest am, members of the IGP team, wey Deputy Superintendent of Police, Philip, lead, quickly alert their leader, ACP Aba Kyari, wey kon give the Inspector-General the goodnews sey dem don arrest am.

source:http://www.joyakosacorner.com/how-dem-take-arrest-notorious-kidnap-kigpin-evans-for-em-house

na wao

his best wish now is death, but he should be made to go through slow and painful death at the long run,he is a disgrace to igbo,sometimes I wonder if criminals reason through their anus not bearing in mind there is always a bitter end in every criminal activities,rather he was foolishly acquiring blood properties that he will retire to as a foolish idiot he is.