(imma need an interpreter 4 d sake of those who do not understand pidgin english nd slangs, volunteers pls!.). Warri i hail!. Na warri i know say them no dey toast babes but them dey get them big time!. (original warfi guy? For where!). If na because of warri guys na im make them bring FAST FOOD JOINTS come the town, all of them go rotten finish. Because warri guy can never carry im babe go there, (unless the fast food joint dey sell BEER!). . . Now let us review their toasting pattern, for example we have a lagosian toaster (na jus for example o!) and a correct Warfi toaster. i'll start with the LAGOSIAN- He sees this beautiful girl, walks up 2 her, quietly asks 4 her number, they fix a date, he takes her to fanciful places, beautiful dinners, countless shows, cinemas, etc. Then after all the trippings before he go come ask the babe to be im girlfriend, in which case the babe either accept or reject his proposal. . WARFI GUY- He meets this girl, e no go approach her for the first two weeks because e dey take im time to study the girl to make sure say another guy no dey chop am, after then he go come look for person wey know the babe, na from that person he go collect the girl number. Then for night he go come send her recharge card, the next night he go come send am another recharge card with an instruction for the girl to save im number, by then the confused girl go wan know who he be, which of course he no go tell her. The next evening he go call am again, na then he go come introduce himself properly, he go come tell am say "abeg i no know if you go get chance on saturday make i take you out around 6 o.clock". Na only warri guys dey fix date and time wey dem go take meet babe. Once the girl don gree, them no go call again, even the babe go dey feel say the guy don forget, until that saturday reach dem go come call the babe for afternoon jus to remind her say "Na 6 oclock we talk o!" incase the girl forget. . . 6 on the dot the guy don dey the girl area to come pick her up, then he go carry her go either PTI CONFERENCE CENTRE or NNPC Junior staff club or all those plenty JOINTS wey dey inside BENDEL ESTATE. Then he go drop her for house after he make sure she carry takeaway for her People wey dey house( if not nobody go reason him face if he come look for their sister next time). That same night he go come call the babe to ask her if she dey ok with everything wey he do for am, if her family enjoy the takeaway wey she give them?. Then he go come tell the babe say he go like see her the next day, in which she either agree or tell am say she no get chance. . And trust warri guy! Dem dey always get chance to see babe for first date, no matter the time wey the girl go call for am. After them don see the next day, them go come agree to meet the next saturday. And this time na the joint wey where all him guys dey hang out he go carry the babe go. And trust warri guys wey no dey carry last! Nobody go question the guy abt the babe, because everybody dey assume say as far as she follow you come there, na ur racket already. . After date no 2, the next time them go meet na when the guy go invite her to follow him to either wedding, or burial, or birthday self (whether the babe know celebrant or not). But take note that before e go reach this stage that means the guy really don like the girl. . . After this stage don pass, the next time them go meet na for him house, and then picking and dropping her off wit his car level don pass. The guy go siddon house dey control babe on how she go fit locate him crib. . . By the time she reach there food and drink dey wait for her, and mind you na there matter go take close because the next time she go come, na only she go cook food wey dem go eat, for the next visit, the guy go come remember say he never wash clothes for three months since him former babe waka leave am. . After then the guy don duplicate key for the babe because no time again o!. Na so relationship don start! No "can u be my girlfriend" or even "i think i am in love with you" . . . Before you know the babe don pack come follow the guy dey stay house. . . Even if them wan marry self, nothin like "will you marry me" when the girl don already know say na marriage she dey since she meet am!. . Warri!!!. . . Them too much o!.

lafff don scata me oooo
true warri babe , u don kolo no b small , i likeyy#
but i wanted to translate omo na so i jus hang oo
too muck konkness joor

;d ;d ;d ;d ;d

- Why u no go hang? Guy u think say wafi language dey dictionary abegi, too Unique, we 're just too much, see make oyibo people wey dey read this topic go siddon for space, As i dey read dis post my blood dey hurt, wey Onome dis babe don match line, she don fall our hand, Area!!!

^hehehee , wafferians
i swear na una born terry g , pure madness
al hail Warri oo , una 100 much

This group of people suppose to have their own planet.

Warfi, Nothing dey happen for area. PMSL.

are you here to comment on the thread,or your hear for something else?

ooh Bleep off!!!!

ooh please do you have to do this really ??can't you see its not working and it never will stop pestering me.LEAVE ME ALONE.(you know i know you)

(looking at Mr Bones with one eye)

Warfi!!!. . . Girl you three much o!. lolllllz!!. . . Make i add my own join. If Warri guy dey toast you, and you tell am say you dey too busy to see am, He go take style ask you where you dey. If you mistakenly tell am where you dey, make you even dey ughelli and he dey Airport road, you will definitely see him there within a short space of time. . . Na wa!.

LWWMB, kai! see scoping, e come dey do me like say make i enter warri sef cos all dis lasgidi babes ehn? make i jus leave am like dat,

Lmao! Indeed una no dey carry last. Warfi i hail o!

Like that.>>>>

I love warri girls and them they understand everything, i miss warri for real.

Maybe na only me don notice say pidgin no dey sweet cwhen u write am compared to when u dey yarn am with mouth, anyways as a warri guy myself, I feel this thread and na one of d reasons why i wan marry warfi chic, make i evaporate for now.

Agluvs9ja:

Warfi!!!. . . Girl you three much o!. lolllllz!!. . . Make i add my own join. If Warri guy dey toast you, and you tell am say you dey too busy to see am, He go take style ask you where you dey. If you mistakenly tell am where you dey, make you even dey ughelli and he dey Airport road, you will definitely see him there within a short space of time. . . Na wa!.

HE HE HE. My sister u dey feel me so, na true u talk o!. . . Still on the toasting level-- Warri guy go first call you as you just dey wake up (And they get real good timing!) then he go ask you say wetin you wan do for that day, maybe you go say " Em, i go dey bendel Estate " he go say " Where for bendel Estate?" you go say " Na near the police station i go dey" He go say " I know that area, one of my guy dey stay there" ( anywhere you call for them, they must know somebody for that area). Then he go come ask you "when you go comot for the area?" you go tell am say "maybe towards afternoon or evening" E go come say "ok, call me when you dey leave the area make we just see". . . My dear before one hour wey you reach where you dey go, warri guy don call you again to know whether you don reach your destination. If you tell am yes!, 30 minutes no go reach before the guy go call you say " How far? You go fit meet me for front of the police station in 20 minutes time? I come discuss some issues with my guy for the area, so make i just use the opportunity take see you. Abeg no waste time o! You know say i go need to rush back to work". . . The guy no go ever gree say he dey trail you follow the whole town. . Lolllllzzz!!.

Warfibabe don finish my people for hia o.
But na correct yarn you dey yarn so, Warri boys no get time for too much grammar na to follow their laid out strategy point by point.  Lagos boys go dey blow big big grammar.

hbabe:

Warfibabe don finish my people for hia o.
But na correct yarn you dey yarn so, Warri boys no get time for too much grammar na to follow their laid out strategy point by point.  Lagos boys go dey blow big big grammar.

Grammar ke?. . . No time for grammar 4 here o!. Even the babes no wan hear ur grammar self! After all no be food e be!. .

am loving dis topic

Omolola1:

am loving dis topic

Lola howdy?? . Long time

@Wafibabe, babe next time u want post level like dis make u consult the oracle, anyway na per fun level sha, make i add my own seem the topic don dey make sense!
- Na Only wafi guy dey use suya toast babe, and their yarnis go make the babe open up, something like dis, Excuse me, babe e be like say ur face confirm to me, na wetin be dat ur name, (dem go act like say dem know the babe 4rm somewhere), after dem don exchange name, contact, Straight to suya joint, buy suya enter house, hit the babe at once then waka, guy no time oh, lol.

3RNEST:

Excuse me, babe e be like say your face confirm to me, na wetin be dat your name, (dem go act like say dem know the babe 4rm somewhere),

, omo dat wan similar to d 1 wey wan waffi tell me
d guy sey babe make i involve u na , ur face jus wan mek me take part , omo i cry wiv laf dat day

Warfi, i hail oo!

Laff dey catch me o, Nice thread