Stats: 3,191,765 members, 7,945,385 topics. Date: Tuesday, 10 September 2024 at 04:00 PM |
Nairaland Forum / Nairaland / General / Health / COVID-19 Vaccine: Why WHO Remove Nigeria For Pfizer-biontech Vaccine Sharing For (145 Views)
Pfizer/Biontech: Third Dose Of COVID-19 Vaccine Neutralises Omicron Variant / COVID-19 Vaccine Sharing Formula For Nigeria / UK Approves Pfizer-Biontech COVID-19 Vaccine For Use, First In The World (2) (3) (4)
(1) (Reply)
COVID-19 Vaccine: Why WHO Remove Nigeria For Pfizer-biontech Vaccine Sharing For by Paytonny: 3:03am On Feb 10, 2021 |
Di oga kpata-kpata of Primary Health Care Development Agency, Faisal Shuaib yarn tori pipo dis one for Abuja as e dey try deny local tori say WHO disqualify di kontri. Di WHO -led COVAX global initiative bin choose Cape Verde, South Africa, Rwanda among di first kontri to get di first doses of di vaccine. Nigeria bin don announce and ready to receive 100,000 doses of di vaccine sometime for end of January or early February but for last minute, di WHO change dia mind plus formular on top which kontri deserve di vaccine pass. Oga Shuaib say di reason why di world health body choose dis oda kontri na sake of di number of new cases, di trend in di number of cases, di population of di kontri and di availability of di cold chain equipment. E further explain give say kontris like South Africa wey get di Pfizer allocation na sake of say dem get new strain of di Covid -19 virus and di number of death dey high for di kontri. And for Cape Verde and Rwanda, di kontri dey small and even di few doses wey dem go give dem, e go epp dem well well pass Nigeria. Di world Health Regional Director, say for Africa, Nigeria bin dey among di nine kontris for di continent wey suppose get di Pfizer vaccine, but unfortunately, e no come dey easy to give all di 51 kontris wit di Pfizer doses as e no go achieve di desired result. E say even though Nigeria no get di initial 100, 000 doses of di Pfizer vaccine, e go get di 16 million AstraZeneca doses sometime for February. And dat one go cover more population pass di Pfizer one. Di AstraZeneca/Oxford vaccine still dey under review but di WHO representative assure say di result go come out soon. |
(1) (Reply)
Patients With Dementia Are More At Risk Of COVID-19 Infection, Black Americans D / 5 Powerful Tips To Help You Overcome Your Fear Of Yoga / Benefits Of Onions Juice: Properties Of Onions, Skin And Hair
(Go Up)
Sections: politics (1) business autos (1) jobs (1) career education (1) romance computers phones travel sports fashion health religion celebs tv-movies music-radio literature webmasters programming techmarket Links: (1) (2) (3) (4) (5) (6) (7) (8) (9) (10) Nairaland - Copyright © 2005 - 2024 Oluwaseun Osewa. All rights reserved. See How To Advertise. 9 |