Na too much sugar for the body oh, and when the pancreas wey dey release insulin to take push the sugar enter where e suppose go for the body get fault, the sugar go come remain for the bloodstream with no where to go.

When this matter don happen like this, the blood go come dey thick because of the excess sugar and e no go come dey fit flow well.

By this time na, the kidney go don notice say the blood don dey too thick, him na no go know say oga pancreas get small yawa, him go come automatically begin draw water from anywhere possible within the body to pump to the blood to lighten am.

Before you know wet in dey happen, who get body go begin drink water and piss like cow every minute and him piss go dey smell one kind and foam too. Him go begin dey dehydrated anyhow.

If the person no come quick check him sugar level, na so the thing go come affect him kidney and liver because those once don dey do overtime labor because of brother pancreas wey eff up.

Na so the matter be oh, so, make you dey always check your sugar level.

Diabetes na very quiet killer, e no dey make mouth.

God bless una


Oya make una go my signature go buy my book to read...

U forgot to add the type 1 variant cuz by autoimmune

Nice one there.

You really tried in breaking it down for a layman.🤔🤔

jaeyking:
U forgot to add the type 1 variant cuz my autoimmune

Thank you for your input.

LIVINGICONREBOR:
Nice one there.

You really tried in breaking it down for a layman.🤔🤔

Thanks.