sequel to the white glass matter,as i survive that embarassment for one eye glass matter, for my secondary school dat time the legendary(St Thomas Aquinas College Akure) ACA, the school dey shark us en, and na mixture of Ajebo and Pako boys, dat time i no be Aje i no be pako, na im i say make i kukuma form aje to the core,i concluded say na recomended eye glasses na im go help my ministry, how i go get am? sometime eye begin scratch me,i say na opportunity be dis wey my parent go gree buy my recomended glass.i come begin scratch d eye well well,my eye con dey red like gadaffi own, come swell up join am,na im dey say i go visit hospital,i come happy, come go dey price frame wey resemble Awolowo own,i come go hospital, wen i reach there,two incidents change my life, i see somebody wey dem don remove en eye ball keep since 4days,the ball no size the socket again,secondly i remember somebody wey coper doctor do free eye operation for one village,he carry the eye go dey swim for river,as he dey raise head dey swim one eye fall inside river,people wey follow am dey swim na im dem take race,as my mind flash to dis incidents my red eye instantly became white,i got my healing immediately,