[b]Politikal Nonsesikal

For Fela Anikulapo Kuti

Bikos dem think say Fela don die
Na him make dem do them political nonsesikal for Naija
Dem don dabaru democracy
As Baba Abami Eda Fela call am, na democrazy
Bikos na political madness they reign for Naija

Wuru-wuru politiks
E dey
For Nigeria
E dey
Maurice Iwu do wuruwuru for April Elections
Na political April Fool for Atiku
Baba Iyabo give Atiku political TKO
Even bifor dem do presidential election
Baba Iyabo use Igbo man Iwu to do wuruwuru
Kangaroo elections
As IBB use Nzeribe to dabaru June 12
Until the demonic Abacha kon jail MKO Abiola
Until Abdul kon use poisoned tea kon kill Abiola
Gambari and Fulani don dabaru Naija
With dem Soja-power and Banza politiks

Wuru-wuru politiks
E dey!
For Nigeria
E dey!
Mago-Mago politiks
E dey!
For Nigeria
E dey!
Jibiti politiks
E dey!
For Nigeria
E dey!
Fiditi politiks
E dey!
For Nigeria
E dey!
Politikal 419
E dey!
For Nigeria
E dey!
Politikal hysteria
E dey!
For Nigeria
E dey!

Papa Deceive Pikin (PDP)
Pikin Deceive Papa (PDP)
Don dabaru Nigeria
Ibori don steal all our oil money
Odili don steal all our oil money
Alams sef don steal our oil money
Baba Iyabo Na him be their supervisor
For the looting of Nigerian treasury
Under the masquerade of their political snobbery
Dem dey commit daylight robbery
From Naija Delta to Abuja
Politikal criminals don wreck Nigeria
Politikal pen robbers do loot Nigeria
Politikal hypocrites don spoil Nigeria
Politkal prostitutes don scatter Nigeria
Politkal mugu kon dey look like politikal mumu.

My people, which one u be?
Politikal pen robber?
Politikal mugu or political mumu
What of the politikal zombies
Whey dem use to rig election
And the politikal zombies dem kon pafuka for nothing.
My people still dey do siddon dey look like mumu
My people still dey do siddon dey look like mugu.
Nobody dey yab again since Fela die
Na so so lie-lie dem dey lie
Since Fela die
But dem know know say Fela never die patapata
Bikos For Ever Lives Afrika
Fela!
For Ever Live Afrika
Fela!
I no go forget you
Fela!
I dey hear your voice dey echo for Kalakuta Republik
From Afrika ’70 for Idi Oro to Egypt ’80 for Ikeja
Dem still dey shack palmwine burukutu for Afrika shrine
Your Afrobeats still dey echo all over Afrika
For Ever Lives Afrika
Fela![/b]

By Orikinla Osinachi
September 17, 2007.
From the lyrics of the Afrobeat performance single to be released soon.
The world premiere will be only on Radio Palmwine, the number 1 Africa Live Radio Webcast and later on the BBC Radio before other stations.