Every politician for Naija
Promise to fight am,
Every Naija government
Talk say
Dem dey fight am,
Upon dat
Corruption still full ground.

Our money loss
Dem say
Na corruption thief am,
Our property loss
Dem say
Na corruption carry am,
Corruption na who sef?

So tee
Dem come get anty corruption
For inside government.
Dem get am sef
For outside government.
Small time
Dem go get uncle corruption.

Dem say
Dem dey fight corruption,
Upon dat
Corruption still full ground,
Corruption na who sef?